ठुला सानाको मतलब छैन, आचरण तलमाथि परे सरकारले कसैलाई छाेड्दैन – प्रम ओली


प्रधानमन्त्री केपी शर्मा ओलीले सरकारले साना ठुलाकाे व्यक्तिकाे मतलब नगर्ने, आचरणमा तलमाथी गरे जाे सुकैलाई पनि नछाडिने बताउनु भएको छ । उहाले ठुला साना केही नभनी प्रचलित कानुन बमोजिम सरकारले कारबाही गर्ने बताउनु भएको हो ।

गृह जिल्ला झापाकाे दमकमा आयाेजित दशैकाे शुभकामना आदान–प्रदान तथा चियापान कार्यक्रमलाई सम्बोधन गर्दै उहाले सो कुरा बताउनु भएको हो ।  ‘कसैको केही आचरणमा तलमाथी पर्यो भने छाडिन्न । ठुलो र सानो भन्ने कुरा हुदैन । ठुला सानाको मतलब छैन, आचरण र व्यवहारको मतलब छ’, उहाले भन्नुभयो, ‘भ्रष्ट हुन्छ भने जो सुकै पदमा भएपनि भ्रष्टमाथी कारवाही हुन्छ ।’

गृहनगरमा भएको चियापानमा उपस्थित नेता कार्यकर्तालाई उहाले मतदाताको शिर ठाडो हुने गरी काम गर्ने प्रतिवद्धता समेत दोहो¥याउनु भयो । प्रधानमन्त्री ओलीले देश र जनताका हितका लागि निष्ठापूर्वक अगाडी बढ्ने बताउनु भयो । ‘तपाईहरुले कहिले पनि छ्या भन्ने अवस्था वा यस्तालाई पनि भोट दिइएछ भन्ने अवस्था वा नाक मै कालो दलो भन्ने अवस्था आउने छैन । तपाईहरुको शिर ठाडो बनाउने छु’, प्रधानमन्त्री ओलीको भनाई छ । उहाले आफुले फाउको जिन्दगी बाँचिरहेकाले आफु नबिग्रिने पनि स्पष्ट पार्नुभयो ।

तपाईहरुले कहिले पनि छ्या भन्ने अवस्था वा यस्तालाई पनि भोट दिइएछ भन्ने अवस्था वा नाक मै कालो दलो भन्ने अवस्था आउने छैन । तपाईहरुको शिर ठाडो बनाउने छु ।

‘म सानो ठाउमा पहाडको घरमा जन्मिएको । गाइब्राखा चराउदै, भात पकाउदै भाडा माझ्दै खाली खुट्टा स्कुल गएको हु । ५५ वर्ष अगाडी राजनीति थालेको थिए’, उहाले अगाडी भन्नुभयो, ‘म धेरै पटक मरेर बाँचेको । यो फाउको मेरो जिन्दगी दुरुपयोग गर्नु छैन । यसलाई सदुपयोग गर्नुछ देश र जनताका लागि ।’

प्रधानमन्त्री ओलीले लामो समय राणा र राजतन्त्रले थिलथिलो पारेको देश सपार्न भने केही समय लाग्ने बताउनुभयो । 

प्रतिक्रिया दिनुहोस