वृद्धभत्ता बढाउने सरकारको तयारी (हेर्नुस् भिडियो सहित )


काठमाडौं : सरकारले वृद्धभत्ता बढाउने तयारी सुरु गरेको छ । गत निर्वाचनको चुनावी घोषणा पत्रमा वृद्धभत्ता बढाउने भनेर नेकपाले गरेको प्रतिवद्धता अनुसार आउदो वजेटमा वृद्धभत्ता बढाउन लागिएको सरकारको प्रवक्तासमेत रहेका सञ्चार तथा सूचना प्रविधिमन्त्री गोकुल बाँस्कोटाले प्यूठानको गौमुखीमा आयोजित मिडिया सम्मेलनमा बताएका छन ।
मन्त्री बाँस्कोटाले वृद्धभत्ताको साथसाथै सरकारले जेष्ठ नागरिकको लागि १ लाखको विमा गर्ने र त्यसको प्रिमियम समेत सरकारले तिर्ने समेत वताएका छन ।
सरकारले छोराछोरीको कमाइबाट वृद्ध बुवाआमाको खातामा पैसा पठाउनुपर्ने व्यवस्था गर्न लागेको समेत जानकारी दिएका छन्।
यसअघि वर्तमान प्रधानमन्त्री केपी ओली नेतृत्वकै अघिल्लो सरकारले वृद्धभत्ता बढाएर २ हजार रूपैयाँ पु-याएको थियो ।

प्रतिक्रिया दिनुहोस